RESOLVE:

Primeiro.-

Por medio desta resolución procédese a convocar

as persoas interesadas en presentar a súa solicitude

de inscrición nas listaxes que se confeccionen, en

aplicación da Norma 12.3 do pacto sobre selección

temporal do persoal estatutario do Servizo Galego de

Saúde, para o acceso ás vinculacións temporais de

curta duración nos ámbitos do Hospital do Salnés,

9.060 DIARIO OFICIAL DE GALICIA Nº 95

Hospital da Barbanza, Hospital Virxe da Xunqueira

e Hospital de Verín, nas categorías de persoal de

enfermaría (DUE) e de técnico/a en coidados auxiliares

de enfermaría.

Tendo en conta a natureza complementaria destas

listaxes especiais respecto das ordinarias formalizadas

por Resolución do 1 de abril de 2009 (DOG

nº 73, do 17 de abril), a admisión nas listaxes

obxecto desta convocatoria estará restrinxida ás

persoas aspirantes admitidas nas listaxes definitivas

confeccionadas ao abeiro da citada convocatoria

ordinaria ou, de ser o caso, das convocatorias

automáticas previstas na norma décima da dita

resolución, nas categorías de persoal de enfermaría

(DUE) ou de técnico/a en coidados auxiliares de

enfermaría e nos ámbitos daquelas áreas en que se

integran as institucións hospitalarias detalladas no

parágrafo primeiro, isto é, a área do Salnés polo

que respecta ao Hospital do Salnés, a área de Santiago,

polo que atinxe ao Hospital da Barbanza, a

área da Coruña, respecto ao Hospital Virxe da Xunqueira,

e a área de Ourense, en relación ao Hospital

de Verín.

Porén, as persoas aspirantes que presenten a súa

solicitude ao abeiro desta convocatoria manterán

integramente a puntuación e a prelación resultante

da valoración da súa solicitude ordinaria, segundo

os termos definidos na resolución deste centro directivo,

do 1 de abril de 2009, sen que caiba a achega

e valoración de novos méritos.

Segundo.-

As listaxes de aspirantes seleccionados ao abeiro

desta convocatoria serán de aplicación ás vinculacións

temporais de curta duración previstas na norma

12.3 do vixente pacto de selección temporal, que

resulte necesario formalizar nas categorías de persoal

de enfermaría (DUE) e de técnico/a en coidados

auxiliares de enfermaría nos ámbitos do Hospital do

Salnés, Hospital da Barbanza, Hospital Virxe da

Xunqueira e Hospital de Verín.

Para tal efecto, elaborarase unha listaxe de aspirantes

por cada unha das categorías e centros convocados.

Terceiro.-

Só poderán inscribirse nas listaxes reguladas nesta

convocatoria as persoas aspirantes que figuren

inscritas na vixente lista ordinaria definitiva de

admitidos/as para a formalización de vinculacións

temporais das categorías de persoal de enfermaría

(DUE) ou de técnico/a en coidados auxiliares de

enfermaría na área sanitaria de adscrición de cada

un dos centros hospitalarios comprendidos no punto

primeiro desta resolución.

Ademais, as persoas aspirantes que, conforme o

punto oitavo desta resolución veñan obrigadas ao

aboamento de taxas por dereito de inscrición, deberán

efectuar e acreditar, dentro do prazo de presentación

de solicitudes, o seu aboamento.

Cuarto.-

As persoas interesadas en participar na convocatoria

deberán presentar solicitude, segundo modelo

normalizado que se xunta como anexo e que estará á

súa disposición na páxina web do Servizo Galego de

Saúde (www.sergas.es), nas direccións provinciais e

nos centros hospitalarios e xerencias de atención

primaria do citado organismo.

No modelo normalizado de solicitude, as persoas

aspirantes deberán facer constar, no espazo reservado

para o efecto, a categoría e área sanitaria en que

figuren admitidas na listaxe ordinaria, así como a

orde de prelación que ocupan nela.

As persoas aspirantes só poderán solicitar a inclusión

na listaxe especial de curta duración na categoría

e centro hospitalario pertencente á área sanitaria

en que figuren admitidas na listaxe ordinaria.

Xunto coa solicitude, e dentro do prazo de presentación

destas, as persoas interesadas deberán achegar

a copia do DNI, debidamente compulsada, así

como o documento acreditativo de ter aboado as

taxas que, de ser o caso, correspondan. Non será

admitida ningunha outra documentación.

As persoas interesadas que, ao abeiro da convocatoria

ordinaria formalizada o 1 de abril de 2009 ou

das automáticas posteriores, tivesen manifestado,

xunto coa súa solicitude, a opción de listaxe especial

no ámbito dalgún dos centros convocados por esta

resolución e figuren como admitidos nas listaxes

definitivas da respectiva categoría e área de adscrición,

non terán que presentar solicitude e respectaráselles

a opción manifestada.

Quinto.-

O prazo de presentación de solicitudes será de

quince días naturais contados a partir do seguinte ao

de publicación desta convocatoria no

de Galicia

As solicitudes, xunto coa copia compulsada do

DNI, poderán presentarse nas oficinas de rexistro da

Xunta de Galicia, nos rexistros das direccións provinciais

do Servizo Galego de Saúde e nos rexistros

dos hospitais, complexos hospitalarios e xerencias

de atención primaria do Servizo Galego de Saúde.

Así mesmo, poderán presentarse por calquera dos

medios previstos no artigo 38 da Lei 30/1992, do 26

de novembro, de réxime xurídico das administracións

públicas e do procedemento administrativo

común e dirixiranse á dirección provincial do Servizo

Galego de Saúde que corresponda coa provincia

do centro hospitalario solicitado.

Nº 95

Constituirá causa de inadmisión no citado procedemento

a presentación extemporánea da solicitude

pola persoa interesada.

Sexto.-

As listaxes de persoas aspirantes a nomeamentos

temporais de curta duración obxecto desta resolución

elaboraranse pola orde de puntuación que resulte da

aplicación do baremo confeccionado ao abeiro da

resolución do 1 de abril de 2009 (DOG nº 73, do 17

de abril). Para tal efecto, teranse en conta as puntuacións

que, en aplicación do citado baremo e, respecto

de cada aspirante, consten publicadas na listaxe

ordinaria definitiva da respectiva categoría.

Unha vez teña rematado o proceso de rexistro e

valoración das solicitudes presentadas, publicaranse

as listaxes provisionais nos taboleiros de anuncios

das direccións provinciais do Servizo Galego de

Saúde e dos centros asistenciais dependentes delas,

incluíndo a relación das persoas aspirantes admitidas

coa súa puntuación e orde de prelación, así

como das excluídas, indicando as causas da súa

exclusión.

Constituirá causa de exclusión das listaxes, entre

outras, a falta de acreditación pola persoa aspirante

do aboamento de taxas nos termos exixidos no punto

oitavo desta resolución, así como non reunir a persoa

interesada o requisito de admisibilidade que se contén

no punto terceiro desta convocatoria.

Resoltas as reclamacións, publicaranse as listaxes

definitivas do xeito establecido para as listaxes provisorias.

Contra as listaxes definitivas, as persoas aspirantes

poderán presentar recurso de alzada ante a

Dirección de Recursos Humanos do Servizo Galego

de Saúde, no prazo dun mes contado desde a data

seguinte á da súa publicación.

As persoas aspirantes que xa figuren como titulares

nunha listaxe especial de curta duración na mesma

categoría e área, no caso de seren admitidas neste

proceso, serán dadas de baixa nela, manténdose

tan só a súa titularidade no ámbito funcional da listaxe

especial obxecto desta convocatoria.

Sétimo.-

As listaxes que se elaboren en execución desta

convocatoria entrarán en vigor na data indicada na

resolución de publicación das listaxes definitivas de

persoas aspirantes admitidas e excluídas.

As persoas admitidas nestas listaxes serán chamadas

para a formalización dos nomeamentos derivados

das vinculacións temporais previstas na norma

12.3 do pacto sobre selección temporal do 24 de

maio de 2004 para as categorías de persoal de enfermaría

(DUE) e de técnico/a en coidados auxiliares

de enfermaría, e que xurdan no ámbito das institucións

hospitalarias comprendidas no ámbito desta

resolución.

Oitavo.-

Efectuarase o aboamento de taxas consonte as formalidades,

importes e, de ser o caso, normas de

exención que se prevén na disposición novena da

Resolución do 1 de abril de 2009, da División de

Recursos Humanos e Desenvolvemento Profesional

(

Estarán exentos do aboamento de taxas as persoas

aspirantes que tivesen aboado estas ao tempo de tramitar

a súa admisión nas listaxes da última convocatoria

ordinaria vixente (ou das automáticas posteriores)

pola modalidade de modificación substancial ou

pola modalidade de primeira inscrición, independentemente

de que xa figuren ou non nalgunha listaxe

especial da mesma categoría e área, e proceda,

consonte esta solicitude, efectuar a baixa na anterior.

As persoas exentas do aboamento de taxas deberán

facer constar na solicitude esta circunstancia, indicando

o motivo de exención. De ser posible, e co fin

de axilizar e facilitar as tarefas de elaboración das

listaxes derivadas desta convocatoria, as persoas

exentas de acordo do parágrafo anterior, achegarán á

súa solicitude unha copia do xustificante do aboamento

das taxas correspondentes á última convocatoria

ordinaria.

As persoas que estean obrigadas ao aboamento de

taxas, por non estaren incluídas nalgún dos supostos

de exención establecidos no parágrafo segundo,

deberán presentar dentro do prazo de presentación

de solicitudes o xustificante acreditativo do aboamento

delas.

Noveno.-

aspirantes

Consonte o réxime disposto na norma décima da

Resolución do 1 de abril de 2009, da División de

Recursos Humanos e Desenvolvemento Profesional

(

persoas aspirantes interesadas que reúnan os requisitos

establecidos na base terceira da citada resolución

poderán presentar a súa solicitude, sen necesidade

dunha convocatoria previa durante os primeiros quince

días dos meses de xullo e outubro de 2010, e nos

primeiros quince días dos meses de marzo, xullo e

outubro dos anos sucesivos, de ser o caso. Estas solicitudes

deberán simultanearse xunto coas correspondentes

á listaxe ordinaria da respectiva categoría e

área.

Santiago de Compostela, 7 de maio de 2010.

Esperanza Fernández Lago

Directora de Recursos Humanos

9.062 DIARIO OFICIAL DE GALICIA Nº 95